ఇంద్రాణి ముఖర్జీకి బెయిల్‌

షీనా బోరా హత్య కేసులో సుప్రీం నిర్ణయం

దిల్లీ: దేశవ్యాప్తంగా సంచలనం సృష్టించిన షీనా బోరా హత్య కేసులో ప్రధాన నిందితురాలిగా ఉన్న ఇంద్రాణి ముఖర్జీకి బుధవారం సుప్రీంకోర్టు బెయిల్‌ మంజూరు చేసింది. ఈ సందర్భంగా ఈ కేసు విచారణ త్వరలో ముగిసే అవకాశం కనపడటంలేదని, ఆమె ఆరున్నరేళ్లు(2015 నుంచి)గా జైల్లో ఉండటం సుదీర్ఘ కాలమని జస్టిస్‌ ఎల్‌.నాగేశ్వరరావు నేతృత్వంలోని త్రిసభ్య ధర్మాసనం వ్యాఖ్యానించింది. ఈ కేసులో మొత్తం 237 మంది సాక్షులను విచారించాల్సి ఉండగా ఇప్పటివరకు 68 మందినే ప్రశ్నించారని, మిగతా వారి ప్రాసిక్యూషన్‌ పూర్తికి ఎంత కాలం పడుతుందో తెలియని పరిస్థితి నెలకొందని పేర్కొంది.